ಬಂಟ್ವಾಳ : ಸಜೀಪನಡು ಗ್ರಾಮದ ಶ್ರೀ ಷಣ್ಮುಖ ಸುಬ್ರಹ್ಮಣ್ಯ ದೇವಸ್ಥಾನದಲ್ಲಿ ನ. 29 ರಂದು ವಾರ್ಷಿಕ ಷಷಿ ಮತ್ತು ಜಾತ್ರಾ ಮಹೋತ್ಸವ ಜರಗಲಿದೆ.
ನ. 28 ರಂದು ರಾತ್ರಿ 8 ರಿಂದ ವಿವಿಧ ಭಜನಾ ಮಂಡಳಿಗಳಿಂದ ಭಜನಾ ಸೇವೆ, ನ. 29 ರಂದು ಬೆಳಗ್ಗೆ ಗಣಪತಿ ಹವನ, ಬಿಂಬಶುದ್ಧಿ, ಕಲಶ ಪೂಜೆ, ಬೆಳಗ್ಗೆ 10.30 ಕ್ಕೆ ಪವಮಾನ ಅಭಿಷೇಕ , ಆಶ್ಲೇಷಾ ಬಲಿ, 11.30 ಕ್ಕೆ ವೈದಿಕ ವಿದ್ವಾಂಸಕ ವೇ.ಮೂ. ಮುಕುಂದ ಭಟ್ ಧಾರ್ಮಿಕ ಉಪನ್ಯಾಸ ನಡೆಯಲಿದೆ. ಮಧ್ಯಾಹ್ನ 12 ಗಂಟೆಗೆ ಕಲಶಾಭಿಷೇಕ, ಮಹಾಪೂಜೆ, ಪ್ರಸಾದ ವಿತರಣೆ, 1 ಗಂಟೆಗೆ ಮಹಾ ಅನ್ನಸಂತರ್ಪಣೆ, ಸಂಜೆ 6.30ಕ್ಕೆ ದೀಪಾರಾಧನೆ, ರಾತ್ರಿ ಪೂಜೆ, 6.45 ಕ್ಕೆ ಶ್ರೀ ದೇವರ ಬಲಿ ಹೊರಟು ನೃತ್ಯೋತ್ಸವ ಬಟ್ಟಲು ಕಾಣಿಕೆ, ರಾತ್ರಿ 10 ಗಂಟೆಗೆ ಸುಗಮ ಸಂಗೀತ ಕಾರ್ಯಕ್ರಮ , ಜರಗಲಿದೆ ಎಂದು ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.
