ಕುದ್ರೋಳಿ: ಸೆ.26ರಿಂದ ಅ.6ರವರೆಗೆ ಕೇಂದ್ರದ ಮಾಜಿ ಸಚಿವ, ಕುದ್ರೋಳಿ ಕ್ಷೇತ್ರದ ಅಭಿವೃದ್ಧಿ ರೂವಾರಿ ಬಿ.ಜನಾರ್ದನ ಪೂಜಾರಿ ಅವರ ಆಶಯದಂತೆ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ವತಿಯಿಂದ ನಡೆಯಲಿರುವ ಅದ್ದೂರಿ ದಸರಾ ಮಹೋತ್ಸವ ಹಿನ್ನೆಲೆಯಲ್ಲಿ ಭಾನುವಾರ ಲೇಡಿಹಿಲ್ ಸಮೀಪದ ನಾರಾಯಣ ಗುರು ವೃತ್ತದಿಂದ ಶ್ರೀಕ್ಷೇತ್ರದವರೆಗೆ ಶ್ರೀ ಗೋಕರ್ಣನಾಥ ಸೇವಾದಳ ಮತ್ತು ವಿವಿಧ ಸಂಘ ಸಂಸ್ಥೆಗಳ ಸಹಯೋಗದಲ್ಲಿ ಸ್ವಚ್ಛತಾ ಕಾರ್ಯ ನಡೆಯಿತು.
ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್., ಗೋಕರ್ಣನಾಥ ಸೇವಾದಳದ ವಿಷ್ಣುದಾಸ್, ಸುನೀಲ್, ರೋಹಿದಾಸ್, ದಿನೇಶ್ ಮತ್ತಿತರರು, ಯುವವಾಹಿನಿ ಕೇಂದ್ರ ಸಮಿತಿ ಉಪಾಧ್ಯಕ್ಷ ಹರೀಶ್ ಕೆ ಪೂಜಾರಿ ಮತ್ತು ತಂಡ, ಶಕ್ತಿನಗರ ಯುವವಾಹಿನಿ ಅಧ್ಯಕ್ಷ ಜಯರಾಮ್ ಮತ್ತು ತಂಡದ ಸದಸ್ಯರು, ಶಿವ ಫ್ರೆಂಡ್ಸ್, ಬರ್ಕೆ ಫ್ರೆಂಡ್ಸ್, ದಂಬೇಲ್ ಫ್ರೆಂಡ್ಸ್ ತಂಡದ ಸದಸ್ಯರು, ಉರ್ವ ಬಿಲ್ಲವ ಸಂಘ, ಕದ್ರಿ ಬಿಲ್ಲವ ಸಂಘದ ಸದಸ್ಯರು, ಶ್ರೀ ಗೋಕರ್ಣನಾಥ ಕಾಲೇಜಿನ ಎನ್ಎಸ್ಎಸ್ ವಿದ್ಯಾರ್ಥಿಗಳು, ಗುರುಬೆಳದಿಂಗಳು ಫೌಂಡೇಶನ್, ಉದ್ಯಮಿ ತರುಣ್ ತಾಕರ್ ಸೇರಿದಂತೆ ವಿವಿಧ ಸಂಘ ಸಂಸ್ಥೆಗಳ ಸದಸ್ಯರು, ಪದಾಧಿಕಾರಿಗಳು ಪಾಲ್ಗೊಂಡಿದ್ದರು.
