ಬಂಟ್ವಾಳ: ಸರಪಾಡಿ ಪ್ರಾಥಮಿಕ ಶಾಲಾ ಬಳಿ ವಾಸ್ತವ್ಯ ಇದ್ದ ದಿ. ವೆಂಕಪ್ಪ ಆಚಾರ್ಯ ಇವರ ಸುಪುತ್ರ ಯಸ್. ನಾಗೇಶ ಆಚಾರ್ಯ (64) ಆ.22ರಂದು ಮದ್ಯಾಹ್ನ ಸ್ವಗೃಹದಲ್ಲಿ ಅಲ್ಪಕಾಲದ ಆಸೌಖ್ಯದಿಂದ ನಿಧನ ಹೊಂದಿದರು. ಬಡಗಿ ವೃತ್ತಿಮಾಡಿ ಕೊಂಡಿದ್ದ ಇವರು ಸರಪಾಡಿ ಶ್ರೀ ಶರಭೇಶ್ವರ ಯಕ್ಷಗಾನ ಸಂಘದಲ್ಲಿ ಹವ್ಯಾಸಿ ಯಕ್ಷಗಾನದ ಹಿಮ್ಮೇಳ ಮತ್ತು ಮುಮ್ಮೇಳ ಕಲಾವಿದರಾಗಿ ಅನೇಕ ವರುಷಗಳ ಕಾಲ ತನ್ನನ್ನು ತೊಡಗಿಸಿಕೊಂಡಿದ್ದರು.ಸರಪಾಡಿ ಶ್ರೀ ಶರಭೇಶ್ವರ ಭಜನಾ ಮಂಡಳಿಯಲ್ಲಿ ಸಂಘಟಕರಾಗಿಯೂ ಸೇವೆ ಸಲ್ಲಿಸುತ್ತಿದ್ದರು. ಸ್ಥಳೀಯ ಯುವಕ ಮಂಡಲದಲ್ಲಿ ವಿವಿಧ ಜವಾಬ್ಧಾರಿ ನಿರ್ವಹಿಸಿ ಜನಾನುರಾಗಿಯಾಗಿ ಬಹುಮುಖಿ ವ್ಯಕ್ತಿತ್ವ ರೂಢಿಸಿಕೊಂಡವರಾಗಿದ್ದರು. ಮೃತರು ಪತ್ನಿ ಹಾಗೂ ಇಬ್ಬರು ಪುತ್ರಿಯರನ್ನು ಅಪಾರ ಬಂಧು ಮಿತ್ರರನ್ನು ಅಗಲಿದ್ದಾರೆ. ಯುವಕ ಮಂಡಲ ಸರಪಾಡಿ ಮತ್ತು ಭಜನಾ ಮಂಡಳಿ ಸರಪಾಡಿ ವತಿಯಿಂದ ಸಂತಾಪ ಸೂಚಿಸಿದ್ದಾರೆ.
