ಬಂಟ್ವಾಳ : ನಾವೂರು ಗ್ರಾಮ ಪಂಚಾಯತ್ ವ್ಯಾಪ್ತಿಯ ನಾಲ್ಕು ಊರಿನ ಒಡೆಯ ಶ್ರೀ ನಾಲ್ಕೈತ್ತಾಯ ದೈವಸ್ಥಾನದ ಸುಮಾರು 4 ಎಕ್ರೆ ಕಂಬಳ ಗದ್ದೆಯಲ್ಲಿ ಕಳೆದ 3 ವರ್ಷಗಳಿಂದ ಹಡೀಲು ಕಂಬಳ ಗದ್ದೆಯನ್ನು ಕೃಷಿ ಕಾರ್ಯ ಮಾಡಿಕೊಂಡು ಬಂದ ಯುವಕರ ತಂಡವು ಯಶಸ್ಸು ಕಂಡಿದೆ.
ಬಂಟ್ವಾಳ ತಾಲೂಕಿನಲ್ಲಿ ಕಳೆದ ವರ್ಷಕ್ಕಿಂತ ಹೆಚ್ಚು ಹಡೀಲು ಗದ್ದೆಗಳನ್ನು ಕೃಷಿ ಮಾಡುವಲ್ಲಿ ಕೃಷಿ ಇಲಾಖೆಯು ಯಶಸ್ವಿಯನ್ನು ಕಂಡಿದೆ.
ಅಲ್ಲಿಪಾದೆ ಶ್ರೀ ರಾಮ ಯುವ ವೃಂದದ ಅಧ್ಯಕ್ಷರಾದ ಲೋಕೇಶ್ ಕೆಲ್ಲೆರ್‌ಮಾರ್ ಶ್ರೀ ರಾಮ ಭಜನಾ ಮಂದಿರದ ಅಧ್ಯಕ್ಷರಾದ ಕೃಷ್ಣಪ್ಪ ಪೂಜಾರಿ ಒಡುದಡ್ಕ , ಗೋಪಾಲ ಕೆಲ್ಲೆರ್‌ಮಾರ್ ಇವರ ಯುವಕರ ತಂಡವು ಹಾಗೂ ನಾವೂರು ನಾಲ್ಕೈತ್ತಾಯ ದೈವಸ್ಥಾನದ ಆಡಳಿತ ಮೊಕ್ತೇಸರರು ಹಾಗೂ ಕಂಬಳ ಗದ್ದೆಯ ಮಾಲೀಕರು ಆದ ಸುಜೀತ್ ಕುಮಾರ್ ಅವರು ಈ ಕೃಷಿ ಕಾರ್ಯದಲ್ಲಿ ಯಶಸ್ವಿಯನ್ನು ಕಂಡಿದ್ದಾರೆ.
