ರೀಲ್ಸ್ ಜಗತ್ತಿನ ಜನಪ್ರಿಯ ವ್ಯಕ್ತಿ ಕಾಫಿನಾಡು ಚಂದು ಅವರ ಮಹದಾಸೆಯೊಂದು ಈಡೇರಿದ್ದು, ಈ ಮಹದಾಸೆ ಈಡೇರಲು ಆಂಕರ್ ಅನುಶ್ರೀ ಸಾಥ್ ನೀಡಿದ್ದಾರೆ. ಚಂದು ಅವರ ಮನದಾಸೆಯನ್ನು ಝೀ ಕನ್ನಡ' ವಾಹಿನಿ ಈಡೇರಿಸಿದೆ.ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್’ ಶೋಗೆ ಚಂದು ಅವರನ್ನು ಕರೆಸಲಾಗಿದೆ. ಈ ವೇಳೆ ಶಿವಣ್ಣನ ಎದುರು ಅವರು ತಮ್ಮದೇ ಶೈಲಿಯಲ್ಲಿ ಹಾಡು ಹೇಳಿ ರಂಜಿಸಿದ್ದು, ಶಿವಣ್ಣ ಅವರೂ ಚಪ್ಪಾಳೆ ತಟ್ಟಿದ್ದಾರೆ. ಈ ಎಪಿಸೋಡ್ ನೋಡಲು ಅಭಿಮಾನಿಗಳು ಕಾದಿದ್ದಾರೆ.
ವೃತ್ತಿಯಲ್ಲಿ ಆಟೋ ಚಾಲಕನಾಗಿದ್ದರೂ, ತನ್ನದೇ ಆದ ಶೈಲಿಯಲ್ಲಿ ರೀಲ್ಸ್ ಮೂಲಕ ಪ್ರೇಕ್ಷಕರನ್ನು ರಂಜಿಸುತ್ತಿದ್ದ ʼನಾನು ಪುನೀತಣ್ಣ, ಶೀವಣ್ಣನ ಅಭಿಮಾನಿʼ ಎಂದು ಹೇಳಿಕೊಳ್ಳುವ ಕಾಪಿನಾಡು ಚಂದು ಅವರಿಗೆ ಲಕ್ಷಾಂತರ ಫಾಲೋವರ್ಸ್‌ ಗಳು ಇದ್ದಾರೆ. ಚಂದು ಅವರ ಬಹು ದಿನದ ಬೇಡಿಕೆಯಂತೆ ಇದೀಗ ಹ್ಯಾಟ್ರಿಕ್‌ ಹೀರೋ ಶಿವರಾಜ್‌ ಕುಮಾರ್‌ ಅವರನ್ನು ಭೇಟಿ ಮಾಡುವ ಅವಕಾಶ ಸಿಕ್ಕಿದೆ. ಹೌದು.. ಈ ಹಿಂದೆ ಚಂದುರವರು ರೀಲ್ಸ್ ವೊಂದರಲ್ಲಿ ಶಿವಣ್ಣನ್ನು ಭೇಟಿ ಮಾಡಿಸುವಂತೆ ಆಂಕರ್ ಅನುಶ್ರೀ ಅವರಲ್ಲಿ ಹಾಡಿನ ಮುಖಾಂತರ ಕೇಳಿಕೊಂಡಿದ್ದು, ಅದನ್ನು ಝೀ ಕನ್ನಡ ವಾಹಿನಿ ಈಡೇರಿಸಿದೆ. ಅನುಶ್ರೀ ನಿರೂಪಣೆಯಲ್ಲಿ ಸಾಗುತ್ತಿರುವ ʼಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ʼ ಶೋ ಮುಖಾಂತರ ಕಾಪಿನಾಡು ಚಂದು ಶಿವರಾಜ್‌ ಕುಮಾರ್‌ ಅವರನ್ನು ಭೇಟಿ ಮಾಡಿದ್ದಾರೆ. ಈ ವೇಳೆ ತಮ್ಮದೇ ಹಾಡಿನ ಶೈಲಿಯಲ್ಲಿ ಶಿವಣ್ಣ ಅವರನ್ನು ಮೆಚ್ಚಿಸಿದ್ದಾರೆ. ಇದೇ ವೇಳೆ ಕಾಪಿನಾಡು ಚಂದು ಜೊತೆ ಅನುಶ್ರೀ ಮಾಡಿರುವ ರೀಲ್ಸ್ ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ಭಾರೀ ವೈರಲ್‌ ಆಗಿದೆ.
