ಬಂಟ್ವಾಳ: ವಾಸ್ತವ್ಯದ ಮನೆಗೆ ಸಿಡಿಲು ಬಡಿದು 5ಲಕ್ಷ ರೂ. ಸೊತ್ತು ನಷ್ಟವಾದ ಬಗ್ಗೆ ಸಜೀಪಮುನ್ನೂರು ಗ್ರಾಮ ಮಾರ್ನಬೈಲು ನಿವಾಸಿ ಯೊಗೀಶ್ ಎಂ. ಪೂಜಾರಿ ಬಂಟ್ವಾಳ ನಗರ ಠಾಣೆಗೆ ಸಲ್ಲಿಸಿದ ದೂರಿನಲ್ಲಿ ತಿಳಿಸಿದ್ದಾರೆ.
ಅ. 22ರಂದು ಸಂಜೆ ಐದು ಗಂಟೆ ಸುಮಾರಿಗೆ ಮನೆ ಎದುರಿನ ತೆಂಗಿನ ಮರಕ್ಕೆ ಬಡಿದ ಸಿಡಿಲು ಬಳಿಕ ಮನೆಗೆ ಹೊಡೆದು ಒಂದು ಭಾಗ ಸಂಪೂರ್ಣ ಜಖಂ ಆಗಿದೆ. ಜೊತೆಗೆ ಕೊಳವೆ ಬಾವಿ ಪಂಪ್‌ಸೆಟ್, ಟಿ.ವಿ., ಫ್ರಿಡ್ಜ್ , ವಿದ್ಯುತ್ ಉಪಕರಣಗಳು ಸುಟ್ಟು ಹೋಗಿದ್ದಾಗಿ ವಿವರಿಸಿದ್ದಾರೆ.
ಸ್ಥಳಕ್ಕೆ ಕಂದಾಯ ಅಧಿಕಾರಿಗಳು, ಪೊಲೀಸ್ ಅಧಿಕಾರಿಗಳು ಬಂದು ಪರಿಶೀಲನೆ ಮಾಡಿದ್ದಾಗಿ ಹೇಳಿದ್ದಾರೆ.
